Bul ádis onkologıanyń erte satysynda ınvazıvti emes turǵyda obyrdy anyqtaýǵa jol ashady
Ǵalymdar kishkentaı qurttardyń negizinde onkologıalyq aýrýlardy anyqtaýǵa qabiletti qurylǵy oılap tapty, dep habarlaıdy Almaty-akshamy.kz Lenta.ru saıtyna silteme jasap.
Jumyr qurttarǵa negizdelgen qurylǵy obyr jasýshalaryn aıqyndaı alady. Zertteý nátıjesin Amerıkalyq hımıa qaýymdastyǵy jarıalaýǵa ýáde berdi. Buǵan deıin zertteýshiler keıbir ıtterdiń ıiskeý arqyly adamnyń qany men zár úlgisinen onkologıany anyqtaı alatyndyǵyn anyqtaǵan bolatyn.
Ǵalymdardyń jańa jumysy shamamen uzyndyǵy 1 mıllımetrdi ǵana quraıtyn C. Elegans jumyr qurttardyń da dıagnostıka jasaı alatyndyǵyna negizdelgen. Qurttardy obyr jasýshalarynyń jolyna jibergende olar ózgeshe ıisti sezedi dep otyr.
Mamandar muny nazarǵa alyp, jańa qurylǵy qurý kezinde negizge aldy. Bul ádis onkologıanyń erte satysynda ınvazıvti emes turǵyda obyrdy anyqtaýǵa jol ashady.