Osy jyldyń 28 naýryzynda Qazaqstan Respýblıkasynda joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasy bekitilgen bolatyn. Qazirgi ýaqytta ony iske asyrýdyń tetikteri qarastyrylyp jatyr, dep habarlaıdy Almaty-akshamy.kz.
Memleket basshysynyń tapsyrmalaryn iske asyrý sheńberinde 2022 jyldan bastap: «Jas ǵalym» jobasy boıynsha jyl saıyn 1000 grant bólý kózdelip otyr. Sonymen qatar, 500 ǵalymnyń álemniń jetekshi ǵylymı ortalyqtarynda jyl saıyn taǵylymdamadan ótýine múmkindik jasaý josparlanýda. Eń bastysy, jetekshi ǵalymdardyń eńbegine aqy tóleýdi bazalyq qarjylandyrýǵa 85 ǵylymı-zertteý ınstıtýtyn engizilmek. Ǵalymdar úshin eń kerektisi jabdyq ekenin eskersek, 16 ǵylymı uıymnyń jabdyqtary qaıta jańǵyrtylǵan. 2021-2023 jyldary respýblıkalyq búdjetten ǵylymdy qarjylandyrý eki esege jýyq ósken. Máselen, 2020 jyly 89,0 mlrd. teńge bólinse, 2021 jyly ǵylymǵa bólingen qarjy 109 mlrd. teńgege jetken. 2023-2025 jyldarǵa arnalǵan ǵylym búdjeti 3,5 esege ulǵaıǵan.
Ǵalymdardyń múmkinshilikteriniń biri - grant. Búgingi tańda bólinetin granttar esebinen ǵalymdardyń ortasha jalaqysy 2 esege ósken. 2022 jyldan bastap ǴZI-niń 700 jetekshi ǵalymy bazalyq qarjylandyrý sheńberinde jalaqymen qamtamasyz etilse, irgeli zertteýlermen aınalysatyn jetekshi ǵalymdarymyz granttyq konkýrstarǵa qaramastan, turaqty qarjylandyrýdy alatyn bolady.
Qazaqstan Respýblıkasynda joǵary bilimdi jáne ǵylymdy damytýdyń 2023-2029 jyldarǵa arnalǵan tujyrymdamasy ulttyq deńgeıdegi qoldanbaly máselelerdi sheshý úshin ǵalymdardy tartýǵa baǵyttalǵan. Baǵdarlama negizinen ǵalymdar sanynyń bir jarym esege artyrý, eldiń ǵylymı ekojúıesin jańǵyrtý, ǵylymnyń naqty sektorlyq problemalaryn sheshý, búrokratızasıa, sıfrlandyrý, «Halyq únine qulaq asatyn memleket» aıasyndaǵy jumys arqyly ǵylymdy ákimshilendirý sapasyn jaqsartylatyn bolady.