Ázirbaıjan astanasy Bakýden súıinshi habar jetti!
Ádebı syılyqty tabystaý saltanaty Ázirbaıjan Respýblıkasy Ulttyq Ǵylym akademıasynyń zalynda ótti.
Abaı atyndaǵy Memlekettik syılyqtyń ıegeri Ǵalym Jaılybaı Túrkıa Respýblıkasy Atatúrik atyndaǵy Mádenıet, Til jáne Tarıh Joǵarǵy Mekemesi men Túrik Til qaýymdastyǵy Túrki álemine ortaq mádenı qundylyqtardy nasıhattaý maqsatynda uıymdastyrǵan «Til meıramy» baǵdarlamasy aıasynda «Túrik birligi» ádebı syılyǵynyń laýreaty atandy, dep habarlaıdy Almaty-akshamy.kz.
Bul – Túrki áleminiń eń joǵarǵy ádebı syılyǵy!
«Mártebeli syılyqty Túrik tili qaýymdastyǵynyń Prezıdenti Osman Mert tabystady. Tuńǵysh ret uıymdastyrylǵan Halyqaralyq baıqaýdyń úzdikteri qatarynda Ázirbaıjan aqyny Sabır Rústemhanlı, Qyrǵyzstan shaıyry Aıda Egemberdıeva, Ózbekstannan Ýlýgbek Hamdamov jáne Soltústik Kıpr Túrik Respýblıkasynan Oktaı Oksúzoglý bar. Tutas Túrki áleminen at ozdyrǵan bes aqynnyń qatarynda Arqanyń Aı tańbaly Arǵymaǵy Ǵalym aǵamyzdyń bolýy – búkil qazaq eliniń mereıi», - dep Nurgúl Shamaeva óziniń áleýmettik jelisi arqyly qýanyshty jańalyqpen bólisti.
Jeńimpazdar halyqaralyq shyǵarmashylyq uıymdar men mekemelerdiń usynysy men baǵalaýy negizinde anyqtalyp, barlyq úmitkerlerdiń shyǵarmalary aldyn-ala túrik tiline aýdarylyp, jınaq bolyp shyqqan eken.