«Astana» alańynda Gakku Dauysy 2022 festıvali kezinde kórermender irgeles aýmaqtaǵy jasyl jelekterge aıtarlyqtaı zıan keltirgen dep habarlaıdy almaty-akshamy.kz
Ekologıa jáne qorshaǵan orta basqarmasynyń baǵalaýy boıynsha, shyǵyn somasy 13 mln teńgeden asty – bir jyldyq, kóp jyldyq butalar men gúlder, onyń ishinde qalanyń jaqyn mańdaǵy gúlzaryndaǵy raýshandar joıyldy. Barlyǵy 94 myńǵa jýyq gúl taptalyp ketken.
- 913 sharshy metr birjyldyq ósimdikter,
- 326 sharshy metr kópjyldyq ósimdikter,
- 117 sharshy metr raýshan gúlder.
Almaly aýdany ákimdiginiń málimeti boıynsha 13 oryndyq, 1 jaryq baǵanasy, granıt ýrnasy men eki kameranyń negizi qıraǵan.
Sondyqtan Almaty qalasynyń ákimdigi elimizdiń mádenı ortalyǵy bolyp tabylatyn megapolıstiń turǵyndary men qonaqtarynan jasyl jelekterge jáne gúlderge uqypty qaraýdy, sondaı-aq qalany abattandyrý men kógaldandyrýmen aınalysatyn qyzmetkerlerdiń eńbegin qurmetteýdi suraıdy. Keltirilgen zalal qala ákimdiginiń kúshimen qalpyna keltiriledi-jańa ósimdikter qysqa merzimde otyrǵyzylady.
Kún saıyn qala aýmaǵyn sýarý men kógaldandyrý jumystaryna 300-ge jýyq maman men 80-nen asa arnaıy tehnıka jumyldyrylady.
Aǵymdaǵy jyly dekratıvti kógaldandyrýdyń jalpy aýmaǵy 159 myń sharshy metrdi quraıdy, al gazon aýmaǵy - 26 myń sharshy metr.