Latyn Amerıkasynyń eń kedeı elinde ınflásıa órship tur.
Gaıtı memleketi Birikken Ulttar Uıymynan kómek surady, dep habarlaıdy Almaty-akshamy.kz Egemen.kz saıtyna silteme jasap.
Búginde Latyn Amerıkasynyń eń kedeı elinde ınflásıa órship, azyq-túlik pen janarmaı baǵasy qymbattaǵan. Buǵan qosa, qylmystyń kóbeıýi, halyqtyń narazylyǵy men tyrysqaq aýrýynyń keń taralýy jaǵdaıdy ýshyqtyryp jiberdi.
Gaıtı Syrtqy ister mınıstri gýmanıtarlyq daǵdarysty toqtatyp, qalypty jaǵdaıǵa oralý úshin onyń halqyna BUU syndy «myqty qoldaý» qajet ekenin aıtty. Alaıda Birikken Ulttar Uıymynda Gaıtıge kómek kórsetýge qatysty qarsy taraptar bar.
Jalpy, kómek ıdeıasyn Meksıka men AQSH usynǵan edi. Al, Reseı men Qytaı asyǵys sheshim shyǵarmaýǵa shaqyrdy. Biraq Gaıtıdiń syrtqy ister mınıstri BUU-dan naqty kómek surap otyr.
«Maǵan asa jaýapty mısıa júkteldi. Zardap shekken barlyq adamnyń qaıǵy-qasiretin Qaýipsizdik Keńesine jetkizýim kerek. Búginde Gaıtı halqy ómir súrip jatqan joq, olar tek tiri qalýǵa tyrysyp júr»,- dedi Gaıtıdiń Syrtqy ister mınıstri Jan Vıktor Geneýs.