102 – kóp arnaly baılanys qosymshasy.
Almaty polısıasy 102 mobıldi qosymshasyn paıdalanýǵa shaqyrdy, dep habarlaıdy Almaty-akshamy.kz Polisia.kz-silteme jasap.
102 – kóp arnaly baılanys qosymshasy foto- jáne beıneqosymshalary bar mátindik habarlama, aýdıo- jáne beıneqońyraýlar arqyly kez kelgen yńǵaıly formatta polısıaǵa habarlasýǵa múmkindik beredi.
Geolokasıa paıdalanýshynyń ornalasqan jerin anyqtaýǵa, qońyraýdy qabyldaýǵa, tipti, eger adamnyń ózi mekenjaıdy aıta almaı tursa da, oǵan kómek kórsetýge múmkindik beredi. SOS batyrmasy dabyldyń geolokasıasyna sáıkes, patrúldiń dereý shyǵýyn boljaıdy. Qosymsha jumysynyń ashyq bolýy da mańyzdy: aryzdanýshyǵa onyń aryzy boıynsha qabyldanǵan sharalar týraly habarlanady.
Endi oqıǵanyń fotolary men beınelerin tikeleı polısıaǵa jiberýge bolady. Qosymshany paıdalana otyryp, azamattar jol qozǵalysy erejelerin buzý, jol-kólik oqıǵalary, otbasylyq janjaldar, janýarlarǵa qatygezdik kórsetý jaǵdaılaryn jáne taǵy basqa da aryzdaryn jibere alady.
Aıta keteıik, Almaty qalalyq PD JBO-ǵa jyl basynan beri omnıkaldy baılanys arqyly 3600-den astam qońyraý, 74 aýdıo- jáne 66 beınehabarlama kelip túsken.