Fýtboldan UEFA Ulttar lıgasy altynshy týrynda Qazaqstan syrt alańda Ázirbaıjanmen kezdesedi, dep habarlaıdy Almaty-akshamy.kz Inform.kz-ke silteme jasap.
Atalǵan kezdesý elorda ýaqytymen 22:00-de bastalyp, «Qazsport» telearnalarynan tikeleı efırde kórsetiledi.
Týrnır kestesinde Qazaqstan quramasy 13 upaımen kósh basynda tursa, 7 upaı enshilegen Slovakıa ekinshi orynda keledi.
Qazaqstandyq fýtbolshylar buǵan deıin elordada Ázerbaıjandy 2:0, Slovakıany syrt alańda 1:0, óz alańynda 2:1 esebimen tize búktirdi.
Al Belarýspen syrt alańda 1:1 esebimen teń tússe, elordada 2:1 esebimen basym tústi. Nátıjesinde bir týr buryn V dıvızıonyna joldamaǵa qol jetkizdi. Oǵan qosa 2024 jylǵy Eýropa chempıonaty fınaldyq satysyna berileti joldamany sarapqa salýǵa múmkindik aldy.
Eki qurama buǵan deıin 7 márte sheberlik baıqasty. Onyń tórteýinde qazaqstandyq fýtbolshylar jeńiske jetse, ekeýinde kezdesý teń aıaqtalyp, bireýinde ázerbaıjandyq qurama basym tústi.
Atalǵan kezdesýde germanıalyq Harm Osmers bas tóreshi qyzmetin atqarady. Oǵan otandastary Domınık Shaal men Benámın Brand kómekshilik jasaıdy. Qosalqy tóreshi de sol eldiń ókili Robert Kempter.
Sondaı-aq, búgin atalǵan topta Slovakıa men Belarýs quramalary ózara sheberlik baıqasady.