Fýtboldan Qazaqstan quramasynyń Birikken Arab Ámirligindegi oqý-jattyǵý jıyny aıasynda Túrikmenstanmen kezdesýi jabyq túrde ótedi.
Bul jóninde Qazaqstan fýtbol federasıasy málim etti, dep habarlaıdy Almaty-akshamy.kz.
«Eki jaqtyń sheshimi boıynsha 14 naýryzǵa josparlanǵan Túrikmenstan quramasyna qarsy baqylaý machy jabyq túrde bolady. Atalǵan oıynnyń basty maqsaty – bapkerlik shtabtyń Grekıamen bolatyn machta taktıkalyq sátterin synap kórýi», - dep atap ótti federasıadan.
Aıta ketsek, Birikken Arab Ámirlikterinde ótetin oqý-jattyǵý jıyny 19 naýryzǵa deıin sozylady.
Ulttyq quramaǵa shaqyrtý alǵan oıynshylardyń basym bóligi jınaldy.
Endi Túrkıa men Reseı chempıonatynda oınaıtyn Abat Aıymbetov, Baqtıer Zaınýtdınov, Nuraly Álip jáne Aleksandr Zýev qatarǵa keıin qosylady.
Qazaqstan quramasy Ulttar lıgasynda S jolymen 21 naýryzda jartylaı fınalda syrt alańda Grekıamen kezdesedi.
Jeńgen jaǵdaıda 26 naýryzda taǵy da syrt alańda Grýzıa-Lúksembýrg jubynyń jeńimpazymen sheberlik baıqasady.