Qazaqstandyq fýtbolshy Maksım Samorodov Reseı ókili Maksım Kıgınkomen 2025 jyldyń 14 qyrkúıegine deıin qoldanystaǵy kelisimsharttyń 6.4-babyn buzǵany úshin, ıaǵnı deldaldy aldyn ala jazbasha habardar etpeı, Fýtbol klýbymen eńbek kelisimshartyn jasaǵany úshin, 3 mln eýro aıyppul tóleýge mindetti, dep habarlaıdy aqshamnews.kz.
Buǵan deıin reseılik fýtbol ınsaıderi Ivan Karpov Samorodovtyń Ahmatqa ótý týraly kelissózderin fýtbolshynyń atynan Aktobe emes, Qazaqstan fýtbol federasıasynyń prezıdenti Ádilet Barmenqulovtyń ózi júrgizip jatqanyn habarlaǵan edi. Karpov: «Bul qandaı deńgeı!», - dep jazǵan bolatyn.
Sonymen qatar, qazaqstandyq jýrnalıs Tımýr Qamashev BorodAbata podkastynda: «Qazaqstan fýtbol federasıasynyń prezıdenti Ádilet Barmenqulov Maksım Samorodovtyń transferinen qansha aldy?» degen suraq qoıǵan.
Transfermarkt aqparaty boıynsha, Groznyıdyń Ahmat klýby Samorodov úshin «Aqtóbege» bir mıllıon eýro tólegen, bul — aktóbelikterdiń tarıhyndaǵy eń iri satý. Qazaqstan valútasynda bul soma 528,6 mıllıon teńgeni quraıdy.