Jańa úlgide jankúıerlerdiń de pikiri eskerilipti
Qazaqstan quramasynyń fýtbolshylaryna jańa forma usynyldy. Ony ázirleý barysynda memlekettik rámizder beınesi men qazaq halqynyń ózindik erekshelikterine daýys bergen jankúıerlerdiń pikiri eskerilgeni aıtylady, dep habarlaıdy Almaty-akshamy.kz Zakon.kz-ke silteme jasap.
Qazaqstan fýtbol federasıasy men «Entrea Sport» kompanıasy ulttyq quramanyń jańa oıyn formasyn tanystyrdy. Jańa formalar ÝEFA baǵdarlamasy aıasynda shyǵaryldy.
Aıta keteıik, ótken jyly QFF pen ÝEFA ulttyq quramalar úshin jańa fýtbol jabdyqtaryn jasaý jáne qamtamasyz etý týraly kelisimge qol qoıǵan bolatyn. Kelisim ulttyq biregeılikti bildiretin jabdyqtyń jeke dızaınyn jasaý múmkindigin qarastyrady.
Barlyq jabdyq 100 OEKO-TEX sertıfıkatynyń standarttaryna saı, ol densaýlyqqa zıandy zattarǵa óte qatań shekteýler qoıady.
Oıyn formasy úsh jıyntyqta usynylǵan – sary, kók jáne qara. Kıim dızaınyn Errea Sport mamandarymen birlesip Qazaqstandaǵy eń iri sporttyq dızaın kompanıalarynyń biri - Creeon kompanıasy ázirledi. Ony ázirleý barysynda memlekettik rámizder beınesi men qazaq halqynyń ózindik erekshelikterine daýys bergen jankúıerlerdiń pikiri eskerildi.
Aıta keteıik, Qazaqstan quramasy jańa fýtbol jabdyqtaryndaǵy alǵashqy kezdesýlerin 2023 jyldyń maýsym aıynda San-Marıno men Soltústik Irlandıa quramalaryna qarsy ótkizedi.