Aýyl sharýashylyǵy vıse-mınıstri Ermek Kenjehanuly Lidea fransýz kompanıasynyń bas dırektory Pol Olıve, Reseı jáne TMD elderi boıynsha komersıalyq dırektory Dúpon Ianmen kezdesti.
Taraptar ózara is-qımyldy keńeıtý máselelerin talqylady, dep habarlaıdy aqshamnews.kz ASHM-ge silteme jasap.
Vıse-mınıstr qazirgi ýaqytta Qazaqstan ósimdikterdiń jańa sorttaryn qorǵaý jónindegi halyqaralyq odaqqa kirý boıynsha jumys júrgizilip jatqanyn jáne fransýz delegasıasynyń múshelerin tuqym sharýashylyǵyn yntalandyrýǵa baǵyttalǵan memlekettik qoldaý sharalary týraly habardar etti.
Sharalardyń qatarynda tuqymdardyń, mıneraldy tyńaıtqyshtardyń (organıkalyq tyńaıtqyshtardy qospaǵanda), pestısıdterdiń, bıoagentterdiń (entomofagtardyń), sý berý jónindegi qyzmetterdiń jáne t. b. qunyn arzandatý bar.
Óz kezeginde Pol Olıve kompanıanyń qyzmeti týraly aıtyp, genetıkalyq materıaldy irikteý jáne almasý, tuqym óndirý jáne óńdeý boıynsha zamanaýı jáne ozyq tehnologıalardy qoldaný boıynsha ǵylymı baǵdarlamalardy iske asyrý salasyndaǵy yntymaqtastyqqa qyzyǵýshylyq tanytty.
Sondaı-aq, jergilikti tuqym óndirisin damytý máselesi qaraldy