«Qazaqstan álemdik deńgeıdegi mańyzdy basqosýlar uıymdastyrý arqyly jahandyq syn-qaterlerdi eńserýdiń joldaryn tabýǵa septigin tıgizýde».
Fransýz ǵalymy Olıve Arıfon osylaı deıdi. Belgıadaǵy Lıll ýnıversıtetiniń profesory bıyl Astana ekonomıkalyq forýmyna qatysyp, basqosýdan alǵan áseri jaıly fransýzdyń «Telos» ıntellektýaldy basylymyna kólemdi maqala jarıalaǵan, dep habarlaıdy Almaty-akshamy.kz Qazaqstan.tv-ǵa silteme jasap.
Ǵalym zertteýinde Qazaqstannyń Qytaı, Eýropalyq Odaq, basqa da seriktesterimen syrtqy saıasatty utymdy júrgizip otyrǵanyna toqtalǵan. Geosaıası ahýalǵa baılanysty «Transkaspıı kólik dáliziniń» mańyzdylyǵy artqanyn aıtady. Profesor bolashaqta Qazaqstan jaıly taǵy da zertteý materıaldaryn jazýdy kózdep otyr.
«Zertteýimde Qazaqstan dıplomatıasyna keńirek toqtaldym. Elderińiz eshkimge uqsamaıtyn ózindik jolyn izdestirýde. Álem kartasynda oıyp turyp oryn alǵan Qazaqstan kópshilikke senimdi seriktes retinde jaqsy tanys. Demokratıalyq damýǵa bet burǵan elderińizde parlamenttiń yqpaly kúsheıgeni qýantady. Qazaqstan EýroOdaqpen, Qytaımen aradaǵy yntymaqty kúsheıte otyryp, barlyq seriktestermen teń dárejede dıalog quryp otyr», - deıdi zertteýshi, Lıll katolık ýnıversıtetiniń profesory,Olıve Arıfon.