Úsh jylǵa bas bostandyǵynan aıyryldy
Parıjdiń apelásıalyq soty eks-prezıdent Nıkolá Sarkozıdi "telefondy tyńdaý isi" boıynsha bir jylǵa bas bostandyǵynan aıyrdy, dep habarlaıdy Almaty-akshamy.kz Tengrinews.kz-ke silteme jasap.
Sarkozı 2021 jyly sybaılas jemqorlyq, qupıa telefon jelisimen tyńdaý áreketterin jasady dep aıyptalyp, úsh jylǵa bas bostandyǵynan aıyryldy, onyń eki jyly shartty túrde, al qalǵan bir jylyn elektron bilezikpen úıqamaqta óteıdi.
Tergeý málimetinshe, Sarkozı advokatynyń kómegimen sýdıa Jılbert Azıberge Monako Knázdiginde qyzmetke turýǵa kómektesýge ýáde bergen. Degenmen, mámileniń ózi tegin bolǵan joq. Máselen, Sarkozı sýdıadan 2013 jyly onyń "saılaý naýqanyn zańsyz qarjylandyrý" isi boıynsha tergeý barysy týraly qupıa aqparat suraǵan.
Dálel retinde tergeýge tyńdalǵan birshama telefondar ákelindi. Osydan keıin Sarkozıge "telefondy tyńdaý isi" boıynsha aıyp taǵyldy. Aıyptaý qorytyndysy Sarkozı men onyń burynǵy advokaty Terrı Gersog arasyndaǵy áńgimege baılanysty anyqtalǵan.
2022 jyldyń 5 jeltoqsanynda bul is boıynsha apelásıalyq sot prosesi bastaldy. Sarkozımen birge onyń basqa aıyptalýshylary advokat Erzog pen sýdıa Azıber de appelásıalyq shaǵym túsirdi.