Bul týraly Erlan Tóleýtaı Feısbýk paraqshasyna jazdy.
Fransıanyń Vezýl qalasynda ótken 31-shi Halyqaralyq Azıa kınofestıvalinde qazaqstandyq rejıser Elzat Eskendir "Ábil" fılmi birden úsh negizgi nomınasıa boıynsha jeńiske jetip, festıváldiń basty marapattaryna ıe boldy, dep habarlaıdy aqshamnews.kz
Qazylar Gran-prıi (Jury Grand Prize)
Kınosynshylar júldesi (Critical Jury Prize)
NETPAC qazylar júldesi (NETPAC Jury Prize)
"Ábil" fılminiń festıválde qatarynan úsh bas nomınasıany jeńip alýy onyń kórkemdik qundylyǵyn aıqyn kórsetti.
“Bir aıǵa jýyq merzimge sozylǵan bul saparymyz bizge ońaı bolǵan joq. Desek te biz Eýropanyń tóri – Shvesıa men Danıadan jáne Fransıanyń kórikti jerlerinen, tarıhı oryndarynan shama-sharqymyz kelgenshe aqparat tarata aldyq. Sondaı-aq konkýrstan tys qatysyp, eýropalyq premerasyn jasaǵan Shvesıanyń Getóborg jáne negizgi konkýrsyna qatysyp, úsh birdeı báıgesin jeńip alǵan Fransıanyń Vezýl halyqaralyq festıválderinen júıeli reportajdar jasap turdyq”- dep jazdy Erlan Tóleýtaı.
Sondaı-aq osy fılmge qoldaý kórsetkender otandastar men qandastarǵa da alǵys bildirdi.
“Jalpy biz osy jolǵy saparymyzda qarapaıym azamattardyń moraldyq qoldaýyn jan-tánimizben sezindik. Ásirese Shvesıa men Danıa jáne Fransıadaǵy otandastarymyz ben qandastarymyz bizge shyn júrekten tilektestik bildirdi. Sol úshin sheteldegi qazaǵym – Sizderge sheksiz alǵysymyzdy bildiremiz!”- deıdi ol.