Tórtinshi ekpe jasaýǵa nusqaý berildi
Koronavırýstyń Omıkron shtamynyń tez taraýyna baılanysty Fransıada indettiń jetinshi tolqyny bastaldy, dep habarlaıdy Almaty-akshamy.kz BAQ.KZ-ke silteme jasap.
Maýsym aıynyń sońynda elde kovıdti juqtyrǵandardyń qatary kúrt artqan. 29 maýsymnan 5 shildege deıin kúnine ortasha eseppen 119 myń naýqas anyqtalǵan.
Bul osyǵan deıingi aptamen salystyrǵanda 80 prosentke kóp. Úkimet indettiń taralýyna tosqaýyl qoıý maqsatynda 60 jastan asqan azamattarǵa tórtinshi ekpe jasaýǵa nusqaý berdi.
Omıkron shtammy koronavırýstyń ózge túrlerine qaraǵanda tez juǵady. Mamandardyń aıtýynsha, vaksına alǵan adamdarda aýrý jeńil ótedi.