Eki astanalyq sportshy altynshy dúnıejúzilik «Vırtýs» oıyndaryna qatysyp jatyr, dep habarlaıdy Almaty-akshamy.kz.
24.kz málimeti boıynsha, olar - Dastan Ordabaı men Ámir Alpamys. Intellektýaldy damý erekshelikteri bar adamdarǵa arnalǵan jarys Fransıanyń Vıshı qalasynda jalaýyn kóterdi. 60 elden kelgen myń sportshy saıystyń 13 túri boıynsha synǵa túsedi. Qazaqstandyq qos óren júzý men velojarysqa qatysady. Jeńil atletıka, júzý jáne ústel tenısinen úzdik tanylǵandar 2024 jyly Parıjde ótetin jazǵy Paralımpıada oıyndaryna tikeleı joldama alady. Jalpy sportshylarymyzdyń bul oıyndarǵa qatysýy elimizdiń «Zıatkerlik damý erekshelikteri bar tulǵalarǵa arnalǵan sport federasıasynyń» halyqaralyq akredıtteýden, ótý sheńberinde júzege asty. Qazaqstan bul federasıaǵa bıyl naýryz aıynda múshelikke ótti. Uıymǵa álemniń 90-nan asa eli kiredi.