Jekpe-jek birinshi raýndta-aq qazaqstandyq sportshynyń jeńisimen aıaqtaldy
Bokstan álem chempıony bolǵan Fırýza Sháripova MMA alańyndaǵy ekinshi aıqasyn ótkizdi, dep habarlaıdy Almaty-akshamy.kz QazAqparatqa silteme jasap.
Qazaqstandyq boksshy 18 qarasha Almatyda ótken Octagon 37 aralas jekpe-jek týrnırinde ázerbaıjandyq Gúnel Ámirbekovamen oktagonǵa shyqqan bolatyn.
Asa jeńil salmaqtaǵy aıqas úsh raýndqa shaqtalǵanymen, birinshi raýndta-aq qazaqstandyq sportshynyń jeńisimen aıaqtaldy. Ol tunshyqtyrý ádisimen qarsylasynan basym tústi.
Bul - Frızanyń ekinshi jeńisi bolsa, Gúneldiń sport karerasyndaǵy úshinshi jeńilisi.
Eske salaıyq, bıylǵy 29 shildede Fırýza Sháripova MMA-da debút jasady. Ol birinshi raýndta reseılik Karına Ondasynovany býyndyrý ádisimen jeńdi.
Fırýzanyń kásipqoı bokstaǵy jetistikterine kelsek, ol IBA jáne WBU nusqalary boıynsha álem chempıony boldy.
Al ótken jyldyń jeltoqsanynda «absolútti» chempıon ataǵyna talasty, biraq jeńilip qaldy.