Fınlándıa energıalyq qaýipsizdikti qamtamasyz etý jáne klımat ózgerisimen kúresý maqsatynda atomdyq energıany basym baǵyt retinde tańdaǵan el. Eýropadaǵy eń qýatty atom elektr stansıasy da osy elde ornalasqan.
Fınlándıadaǵy Eýropa boıynsha eń qýatty atom reaktory sáýir aıynda paıdalanýǵa berildi. Jaqynda osy elde ıadrolyq otyn qaldyqtaryn saqtaıtyn álemdegi tuńǵysh geologıalyq saqtaý bazasy iske qosylmaq.
Iadrolyq otyn qaldyqtaryn saqtaıtyn qoıma jerden jarty shaqyrym tereńdikte ornalasqan. Iaǵnı, Fınlándıanyń batys teńiz jaǵalaýyndaǵy tabıǵı jynystardyń astynda 433 metr tereńdikte salynǵan. Oǵan jetý úshin 50 shaqyrymnan astam týnel qazylǵan. Qurylysty aıaqtaýǵa 20 jyl ýaqyt jumsalǵan.
- Iadrolyq otyn qaldyqtaryn saqtaýǵa geologtar bul oryndy arnaıy tańdaǵan. Sebebi, jer astyndaǵy bul tabıǵı oryn kem degende 2 mıllıard jyldan beri turaqtylyǵyn saqtap keledi. Ǵalymdardyń pikirinshe, 100 myńdaǵan jyl saqtaýǵa tıis ıadrolyq otyndar úshin bundaı tabıǵı orta óte qolaıly.
- Fınlándıa Eýropada atom elektr stansıalaryn qoldanýshy elderdiń biri. Sáýirde ǵana elde Eýropa boıynsha eń qýatty ıadrolyq reaktor iske qosyldy. Sonymen birge, Fınlándıa jaqynda ıadrolyq otyn qaldyqtaryn saqtaýshy geologıalyq qurylysyn da aıaqtaý aldynda tur.
- Fınlándıada paıdalanylǵaly otyrǵan bul ıadrolyq otyn qaldyqtaryn saqtaý bazasy álemde alǵash ret iske qosylǵaly otyrǵan geologıalyq baza bolmaq. Qurylysty aıaqtaýǵa 20 jyl ýaqyt jumsalǵan.
Fınlándıada qazir 5 atom elektr stansıasy jumys istep tur. El halqynyń basym bóligi atom energıasyn paıdalanýdy qoldaıdy. Atalǵan joba aıaqtala salysymen, jer betine taıaý baseınderde saqtalyp turǵan jalpy kólemi 6,5 myń tonna ıadrolyq qaldyqtar sol jerge kóshirilmek. Bul arqyly Fınlándıa ıadrolyq otyn qaldyqtaryn qaýipsiz saqtaýshy elge aınalýy múmkin.