Fılıppınde "Tramı" daýylynan kóz jumǵandar sany 81 adamǵa jetti, dep habarlaıdy aqshamnews.kz
El prezıdenti: "Kóptegen aımaq oqshaýlanyp qaldy, olarǵa jetý qıyn, sondyqtan mert bolǵandar kóp bolýy múmkin", – dep eskertti.
"Bul – el tarıhyndaǵy eń joıqyn tabıǵı apattyń biri", – deıdi sarapshylar. Qutqarý isine polısıa men órt sóndirýshiler de tartylǵan. 1 kúnniń ishinde jaýyn-shashynnyń 2 aılyq mólsheri tústi. Daýyl soqqan aımaqtarda 4 mıllıon 200 myńnan astam adam turady. Jarty mıllıon turǵyn basqa aýdandarǵa kóshti, 6400 adam ýaqytsha panalaý ortalyqtaryna ornalasty.
Jalpy elde jyl basynan beri 11 ret qatty daýyl soqty. Jumadan beri mekemeler men mektepter jabyq tur. Araldardyń arasynda júretin keme qatynasy da toqtatyldy.
"Bul el tarıhyndaǵy eń joıqyn tropıkalyq daýyl boldy. Birneshe qala zardap shekti. Sý tasqyny men laı kóshkini qutqarý jumysyna úlken kedergi keltirip jatyr", - deıdi qutqarýshy Kennet Lýkas.