Aıtýynsha, ózi bir kezderi rejıserge qatygezdik tanytqan.
Belgili prodúser Baıan Alagózova teatr jáne kıno rejıseri Talǵat Temenovten keshirim surady, dep habarlaıdy aqshamnews.kz
Prodúser Dına Tólepbergenge bergen suhbatynda ózin búkil Qazaqstanǵa bir-aq kúnde Talǵat Temenovtiń tanytqanyn moıyndady.
Men Talǵat Temenovten keshirim suraǵym keledi. Ol – kishkentaı Oral qalasynan shyqqan Baıandy bir kúnde búkil Qazaqstanǵa tanymal juldyzǵa aınaldyrǵan adam. Men «Mahabbat stansıasy» fılmine túsip, birden Qazaqstandaǵy eń tanymal qyzǵa aınaldym. Sodan bizdiń aramyzda túsinbeýshilik paıda boldy. Ol ekinshi fılm túsirýi kerek edi. Sol kezde «Men kınoǵa endi túskim kelmeıdi. Maǵan onsyz da bári unaıdy. Siz maǵan endi kerek emessiz» dep aıttym. Al negizinde ol – meniń alǵashqy ustazym. Maǵan kóp nárse úıretti. Osy múmkindikti paıdalanyp, Talǵat Temenovten keshirim suraǵym keledi. Sol kezde qatygezdik tanytqanym úshin keshirim suraımyn, – dedi prodúser.