Fermerlerdiń atynan sýbsıdıa alyp kelgen adamdar toby áshkerelenip, qylmystyq is tergelip jatyr, dep habarlaıdy Almaty-akshamy.kz Qarjylyq monıtorıń agenttigine (QMA) silteme jasap.
QMA Jambyl oblysy boıynsha departamenti sharýa qojalyqtarynyń rekvızıtteri men qujattaryn paıdalana otyryp, taýardy jetkizbeı, jumystar men qyzmetterdi oryndamastan, shot-faktýralar jazyp berip kelgen birqatar tulǵaǵa qatysty qylmystyq isti tergep jatyr.
«Jalǵan shot-faktýralar sýbsıdıalanatyn tańqýraı túrlerin jetkizýge jazylyp kelgen. Keıin sharýa qojalyqtaryn eskertpesten olardyń atynan sýbsıdıa alýǵa elektrondy ótinim berilgen.
Tekserýler nátıjesinde fermerlerde tańqýraı egis alqaptary joq bolyp shyqty. Atalǵan tulǵalar memleketten 800 mln teńgeden astam somaǵa sýbsıdıa alǵan.
Alaıaqtyq faktileri boıynsha 4 qylmystyq is tirkeldi
QR Qylmystyq is júrgizý kodeksiniń 201-babyna sáıkes ózge aqparat jarıa etýge jatpaıdy», - delingen usynylǵan habarlamada.
Eskertilip ótkendeı, Konstıtýsıanyń 77-babyna jáne Qylmystyq is júrgizý kodeksiniń 19-babyna sáıkes, sot úkimi zańdy kúshine engenge deıin kúdikti kinásiz bolyp esepteledi.