Jalǵan aqparat jeldeı esip júr
Áleýmettik jelilerde bıyl kóktemde «Spýtnık-V» vaksınasyn alǵan adamdar 1 qańtardan bastap «jasyl» mártebesin joǵaltady degen jalǵan aqparat taratylýda, dep habarlaıdy Almaty-akshamy.kz
Sanıtarlyq-epıdemıologıalyq baqylaý komıteti bul aqparatty joqqa shyǵardy.
«Qandaı vaksınamen egilgenińizge qaramastan, Ashyq júıesindegi «jasyl» mártebe ekinshi komponentti alǵan sátten bastap bir jyl boıy saqtalady. Iaǵnı, eger vaksınanyń ekinshi dozasyn, mysaly, 2021 jylǵy 30 sáýirde alsańyz, onda «jasyl» statýs 2022 jylǵy 30 sáýirge deıin saqtalady», - dep túsindirdi vedomstvonyń resmı ókili Erjan Baıtanaev.
Demek, vaksınalanǵan adamdar 2022 jyldyń basynda Ashyq júıesinde «jasyl» mártebesin joǵaltady degen aqparat feık bolyp tabylady.
Barshańyzdy tek resmı aqparatqa ǵana senýge shaqyramyz! Jańalyqtyń shynaıylyǵyn bizdiń portaldyń kómegimen tekserýge bolady.
Ózińizdi qyzyqtyrǵan aqparatty t.me/stopfake_kz Telegram-arnasyna nemese +7 707 739 5599 WhatsApp nómirine jiberińiz.