Eýropada koronavırýs rekordy kún ótken saıyn jańaryp jatyr
Eýropalyq Odaq elderinde koronavırýs rekordy jańaryp jatyr. Fransıada sońǵy táýlikte 208 myń vırýs juqtyrý jaǵdaıy tirkeldi, sarapshylar qańtardyń basynda bul kórsetkish 250 myńǵa deıin ósedi dep qorqady, dep habarlaıdy Almaty-akshamy.kz
Sonymen qatar Danıa men Portýgalıada juqtyrý jaǵdaılary kúrt kóbeıdi, dep habarlaıdy QazAqparat Euronews agenttigine silteme jasap.
Dúnıejúzilik densaýlyq saqtaý uıymy kelesi jyldyń ortasyna deıin álem elderiniń 70%-yn vaksınamen qamtý úshin kúsh salýda. Oǵan uıymnyń bas dırektory Tedros Adan Gebreıesýs shaqyrady.
"Omıkronnyń" juqpalyraq ekenine qaramastan, "deltamen" birge taralyp jatqandyǵy alańdatady. Saldarynan medısına qyzmetkerleri men densaýlyq saqtaý júıelerine úlken salmaq túsýde», - dedi ol.
Germanıanyń densaýlyq saqtaý mınıstri Karl Lýterbahtyń aıtýynsha, qazirgi kezde juqtyrý jaǵdaılarynyń barlyǵy anyqtalyp jatqan joq, negizinde vırýs juqtyrǵandar sany derekterdegi kórsetkishterden edáýir kóp.
«Shyn máninde juqtyrý jaǵdaılary eki nemese úsh ese kóp. Sonymen qatar vırýstyń "omıkron" shtamyn juqtyrý jaǵdaılary artýda, bul da qatty alańdatady», - dedi mınıstr.
Grekıada qańtarǵa josparlanǵan jańa sharalar ýaqytynan erte engizilip jatyr, sebebi seısenbi kúni elde 21 myń juqtyrý jaǵdaıy tirkelegen. Bul bir kún burynǵy kórsetkishten eki ese kóp.
Ispanıada da vırýs juqtyrǵandar qatary kúrt kóbeıdi, bir táýlikte 100 myń adam vırýs juqtyrǵan. Alaıda el bıligi jumysshylar tapshylyǵyn boldyrmaý maqsatynda oqshaýlaý ýaqytyn on kúnnen jeti kúnge azaıtqan.