Abaı atyndaǵy Qazaq ulttyq opera jáne balet teatry Shymkent qalasynyń turǵyndaryna úsh balet spektaklin usynady.
Abaı atyndaǵy Qazaq ulttyq opera jáne balet teatry 4 jáne 5 mamyr kúni saǵat 19:00-de Orys drama teatrynyń úlken sahnasynda Shymkent qalasynyń turǵyndary men qonaqtaryna F.Shopenniń “Shopenıana”, I.S.Bahtyń “Bah shyǵarmashylyǵyn taný”, M.Raveldiń “Bolero” atty balet spektáklderin usynady.
"Shopenıana" — Frıderık Shopenniń mýzykasyna jazylǵan balet súıtasy. Sújetsiz spektákl – arman men ómir shyndyǵy arasyndaǵy máńgilik tartyspen, qol jetpes murattyń ustamsyzdyǵymen romantızm dáýirine taǵzym.
Klasıkalyq horeografıanyń injý-marjandarynyń biri sanalatyn M.Fokınniń aty ańyzǵa aınalǵan horeografıasyn kórkemdik jetekshi ári baletmeıster Gúljan Tútkibaeva qalpyna keltirdi.
«Bul spektáklder tek qazaqstandyq teatrlarda ǵana emes, Fransıa men Anglıa sahnalarynda da usynylyp, kórermen qaýymyn qýantty. Endi osy baletterdi Shymkent jurtshylyǵyna usynbaqpyz jáne olar árbir kórermenniń júreginen oryn tabady dep senemiz. Balet ártisteri qazirgi baı repertýarynan bólek, Shymkent qalasyna gastróldik saparǵa qyzý daıyndyq ústinde», - deıdi Abaı atyndaǵy QazUOBT kórkemdik jetekshisi Gúljan TÚTKİBAEVA, QR Halyq ártisi. – «Balet trýppasynyń jumysyn bólek atap ótkim keledi, óıtkeni úsh qoıylymda da bir bıshiler qatysady. Balet trýppasy beıneler men kostúmderdi tez ózgertýge, emosıonaldy túrlendirýge, klasıkalyq horeografıadan zamanaýı horeografıaǵa qaıta ózgertýlerine, rólder men bıdegi áriptesterin almastyrýlaryna týra keledi».
Devıd Djonatannyń horeografıasy boıynsha «Bah shyǵarmashylyǵyn taný» neoklassıkalyq baleti klasısızmniń abstraktili dekonstrýksıasy bolyp tabylady. Bahtyń mýzykasy burynǵydaı biriktirýshi klasıkalyq element bolyp qala beredi, biraq bıdiń erekshe jáne kútpegen horeografıalyq tili osy tamyrlardyń úzilýine tuspaldaıtyndaı. Olardyń kórip otyrǵanyna qaraǵanda, zaldaǵy kórermender qandaı da bir sezim tuńǵıyǵyna batyp ketken. «Bah shyǵarmashylyǵyn taný» qoıylymy laıyqty eýropalyq «Dance Europe» jýrnalynyń «New name to watch» nomınasıasy boıynsha bedeldi nomınasıasyna ıe boldy.
Ispanıanyń erekshe bolmysty ónerimen etene tanys Morıs Ravel, áıgili bıshi, orys baletiniń solısi Ida Rýbınshteınnen alǵan áserinen qaıtalanbas týyndy “Bolerony” shyǵarýdy oılady. Kezinde Ida Parıjdiń Grand-Opera sahnasynda ıspan taqyrybynyń kórinisin arqaý etken horeografıalyq kompozısıany oryndaýdy kózdegen edi.
Horeograf Rıkardo Amaranteniń aıtýynsha, onyń "Bolero" hıkaıasy áıel sulýlyǵy men náziktik ıdealdaryn dáripteıdi.
- «Maǵan Bolerony qoıý týraly usynys túskende, men bir ýaqytta shabyttanýmen birge qorqyp ta kettim. Óıtkeni álemdik horeografıa bul balettiń qoıylymdarynyń kóptegen mysaldaryn biledi. "Bolerony" dúnıege ákelgen áıel Ida Rýbınshteınniń áıgili portreti meni shabyttandyrdy. Men sezimtal, emosıalarǵa qanyq balet jasaǵym keldi. Sheksiz qıaldar bizdi mahabbat, qyzǵanysh pen qumarlyq álemine jeteleıdi», - dedi ol.
Rıkardo Amaranteniń qoıylymy – bul jan aıqaıy, qumarlyqtyń naǵyz qaınaý shaǵy jáne bıdiń elirgen shaǵy. Sahnada oryn alǵan bıshilerdiń qozǵalysynan, dekorasıalar men jaryqtyń kórermen kóńiline áser etýinen, barlyq qoıylymdardan klasıka men modern baıqalady. Al mýzyka, árıne, ony kórgennen alǵan áserin kúsheıte alady.