Eýroparlamentte Qazaqstan jaıly kórme ashyldy
Sharany elimizdiń Belgıadaǵy elshiligi Qazaqstan men Eýropalyq Odaq arasyndaǵy dıplomatıalyq qatynastardyń 30 jyldyǵyn atap ótý qarsańynda uıymdastyryp otyr, dep habarlaıdy Almaty-akshamy.kz.
Kórmege elimizdiń kórikti jerleriniń, tanymal tulǵalarynyń sýretteri men ulttyq buıymdar qoıylǵan. Dıplomattar jınalǵandarǵa qazaqtyń salt-dástúr, ádet-ǵurpy jaıly áńgimelep, ulttyq buıymdardyń, mýzykalyq aspaptardyń tarıhymen tanystyrdy. Eýropalyq Odaq ókilderi, Eýroparlament depýtattary men qala qonaqtary qazaqtyń baı mádenı murasyn nasıhattaıtyn kórmeni osy aptanyń sońyna deıin tamashalaı alady.
«Qazaqstan-Eýropalyq Odaqtyń basty saýda seriktesi. Iadrolyq qarýdan bas tartyp, zańnyń ústemdik etýi, demokratıalyq baǵytta az ýaqyttyń ishinde qyrýar jumys atqardyńyzdar. Biz Qazaqstandy, elderińizdiń jetistikterin Eýroparlamentte kópshilikke tanystyryp jatqanymyzǵa qýanyshtymyz», - deıdi Eýropalyq Parlament depýtaty Gelmýt Goıkıng.