Dúnıejúzilik densaýlyq saqtaý uıymynyń boljamy boıynsha qysta Eýropada keminde 500 myń adam koronavırýstan kóz jumýy múmkin dep habarlaıdy almaty-akshamy.kz QazAqparatqa silteme jasap.
«Eger EO elderi pandemıaǵa baılanysty shekteýlerdi kúsheıtpese, bul boljam júzege asýy múmkin, - dedi DDU Eýropalyq búrosynyń dırektory Hans Klúge.
«COVID-19 kezekti ret bizdiń aımaqta ólim-jitimniń basty sebebi bolyp otyr, jańa tolqynnyń týyndaýy sýyq aýa raıynyń jaqyndaýyna, birqatar elderde vaksınasıanyń tómen qarqynyna jáne SARS-CoV-2 juqpaly shtamdarynyń paıda bolýyna baılanysty».
Osyǵan oraı Avstrıada búginnen bastap jalpyulttyq lokdaýn engiziledi, Danıada kınoteatrlarǵa, túngi klýbtar men meıramhanalarǵa barý úshin kovıd-pasporttar mindetti bolyp tabylady.
Al Germanıanyń federaldy aımaqtarynda covid-19 ınfeksıasynyń taralý qarqyny báseńdeýde. Robert Koh ınstıtýtynyń málimeti boıynsha ótken táýlikte elde 42 727 koronavırýs ınfeksıasyna shaldyǵý jaǵdaılary tirkelgen, bir kún buryn bul kórsetkish 63 myńnan astam derekti qurady.
SARS-CoV-2 ınfeksıasynyń rastalǵan jaǵdaılarynyń jalpy sany 5,5 mln-ǵa jýyqtady, naqtyraq 5 354 942-ge jetti. Sońǵy 24 saǵat ishinde 75 naýqas aýrý saldarynan kóz jumdy, al pandemıa bastalǵannan beri Germanıada 99 062 adam COVID-19 asqynýynan kóz jumdy.