Respýblıkanyń avıasıalyq bıligi qabyldap jatqan sharalardy oń qabyldady.
Mamandar Qazaqstanda iske asyrylyp jatqan azamattyq avıasıany retteýdiń eýropalyq modelin joǵary baǵalap, qoldady. Bul týraly Azamattyq avıasıa komıteti málimdedi, dep habarlaıdy Almaty-akshamy.kz Baq.kz silteme jasap.
2022 jylǵy 20 qazanda Brússel qalasynda (Belgıa) QR Indýstrıa jáne ınfraqurylymdyq damý mınıstrligi Azamattyq avıasıa komıtetiniń tóraǵasy Talǵat Lastaev bastaǵan qazaqstandyq delegasıa «Qazaqstannyń avıasıalyq ákimshiligi» AQ bas dırektory Katalın Radý men QAÁ ókilderiniń qatysýymen Eýropalyq komısıamen, ushý qaýipsizdigi jónindegi Eýropalyq agenttikpen (EASA) jáne Eýropalyq Odaq músheleri memleketter ókilderimen tehnıkalyq kezdesý ótkizdi.
Eýropalyq delegasıany Eýropalyq komısıanyń ushý qaýipsizdigi bólimi basshysynyń orynbasary Pıter Sorensen basqardy.
«Kezdesý barysynda qazaqstandyq tarap ushýdy paıdalaný, ushýǵa jaramdylyq, avıapersonaldy lısenzıalaý jáne Qazaqstandaǵy ushý qaýipsizdiginiń deńgeıin jaqsartý boıynsha QAÁ prosesterin standarttaý bóliginde qabyldanǵan sharalar men iske asyrylyp jatqan túzetý is-qımyldarynyń josparlary týraly habardar etti. Onyń ishinde QAÁ qarjylandyrýdyń jańa tásilin engizý jáne Qazaqstandaǵy azamattyq avıasıa salasyn retteýdiń eýropalyq modeline odan ári josparly kóshý bóliginde Qazaqstan Respýblıkasynyń qoldanystaǵy zańnamasyna kútiletin ózgerister tanystyryldy. Eýropalyq tarap júzege asyrylyp jatqan is-sharalar boıynsha Qazaqstan Respýblıkasynyń avıasıalyq bıligi qabyldap jatqan sharalardy oń qabyldady», - delingen aqparatta.
Eýropalyq Komısıa delegasıasynyń basshysy 2019 jyldan bastap Qazaqstanda iske asyrylyp jatqan azamattyq avıasıany retteýdiń eýropalyq modelin joǵary baǵalap qoldady jáne bul ushý qaýipsizdiginiń eýropalyq standarttaryna tolyq sáıkes keletin álemdegi eń ozyq jáne eń tıimdi tásilderdiń biri bolyp tabylatynyn atap ótti. Sondaı-aq Qazaqstanda turaqty avıasıalyq retteýshiniń jumys isteýi jáne eldegi ushý qaýipsizdigin qamtamasyz etý jónindegi mindettemelerdi oryndaý úshin QAÁ resýrstaryn qarjylandyrý men qamtamasyz etýdiń jańa tetigin tıimdi iske asyrý qajettigi atap ótildi.
Sondaı-aq, Eýrokomıssıa ushýǵa jaramdylyq, ushýdy paıdalaný, áýe personalyn lısenzıalaý, ushý qaýipsizdigi basqarmasy, QAÁ prosesterin standarttaý jáne uıymnyń jańartylǵan qurylymy salalarynda atqarylǵan jumystardyń barysyn oń baǵalap, osy baǵyttaǵy jumysty jalǵastyrýǵa shaqyrdy. Eýropalyq tarap osy máselelerde jan-jaqty qoldaý kórsetýge daıyn ekendigin bildirdi.
Qazaqstannyń avıasıalyq bılikteri usynǵan progres negizinde Eýropalyq komısıa ókilderi búgingi kúni qazaqstandyq avıakompanıalarda Eýrokomıssıanyń ushý qaýipsizdigi tizimine («qara tizim») jáne Eýropaǵa ushýǵa qandaı da bir shekteýler engizý boıynsha qaýipter joq ekenin rastady.