2023 jylǵy 15 naýryzda Qazaqstan Respýblıkasy Eýrazıalyq ekonomıkalyq odaqta tasymaldaýdy qadaǵalaý úshin navıgasıalyq plombalardy paıdalaný týraly kelisimge qol qoıdy.
Osy kelisimniń maqsaty múshe-memleketterdiń aýmaǵynda taýarlardy tasymaldaýdy uıymdastyrý kezinde zamanaýı tehnıkalyq jáne tehnologıalyq sheshimderdi qoldaný, kedendik jáne memlekettik baqylaýdyń basqa da túrleriniń qoldanylatyn sharalaryn qysqartý, taýarlar jolda bolǵan kezdegi ártúrli májbúrli jaǵdaılarǵa der kezinde jaýap berý, taýarlardy jetkizbeý jaǵdaılaryn boldyrmaý bolyp tabylady, dep habarlaıdy almaty-akshamy.kz.
EAEO aýmaǵynda navıgasıalyq plombalardy paıdalaný úshin Eýrazıalyq ekonomıkalyq komısıanyń alańynda bes memlekettiń ekonomıka, kólik, kedendik jáne salyqtyq retteý salasyndaǵy sarapshylary osy memleketterdiń bıznes ókilderiniń qatysýymen Eýrazıalyq ekonomıkalyq odaqqa barlyq múshe-memleketterdiń ulttyq zańnamasynyń erekshelikterin eskere otyryp, quqyqtyq bazany ázirleý, kelisý jáne qabyldaý boıynsha aýqymdy jumystar atqaryldy.
Eýrazıalyq ekonomıkalyq odaqqa múshe-memleketterde ulttyq operatorlar anyqtaldy, onda árbir tasymaldaýdy naqtylaı qadaǵalaý júzege asyrylatyn bolady.
Navıgasıalyq plombany paıdalanǵany úshin aqy tólenetin bolady.
Qazaqstan Respýblıkasynda navıgasıalyq plombalardyń jáne qadaǵalaý qyzmetteriniń tarıfteriniń joǵary qunyn boldyrmaý maqsatynda memleket qadaǵalaýshy operator retinde «Ǵaryshtyq tehnıka jáne tehnologıalar ınstıtýty» jaýapkershiligi shekteýli seriktestigin anyqtady (aksıalarynyń 100%-y QR ǴMRǴZI-ge tıesili), ol árbir tasymaldaýdy naqtylaı qadaǵalaý boıynsha barlyq áreketterdi júzege asyratyn bolady.
Navıgasıalyq plombalardy qoldaný kedendik baqylaýdan ótýin jyldamdatady, taýardyń jolda bolý ýaqytyn qysqartady jáne taýar ıesine tasymaldaýdy júzege asyrý kezinde kólik quralynyń qozǵalysyn baqylaýǵa múmkindikter beredi.
Qadaǵalaý mehanızmin qamtıtyn uıymdastyrý-tehnıkalyq sharalar daıyndalǵan soń, navıgasıalyq plombalardy ilýdi bastaý josparlanýda. İske qosý ýaqyty qosymsha habarlanatyn bolady.