Mundaı ósim 2011 jyldan beri alǵash ret baıqalyp otyr, dep habarlaıdy aqshamnews.kz
Qazaqstanda et pen qus eti tamyz aıynda keıingi 14 jyldaǵy eń joǵary qarqynmen qymbattady.
Ulttyq statısıka búrosynyń dereginshe, shildemen salystyrǵanda bul sanattaǵy ónimder 3,2% ósken.
Baǵanyń joǵary ósimi sıyr etine tıesili. Súıekti et bir aıda 3,7%, súıeksiz – 3,6% qymbattady. Jaıa baǵasy da 3,5% ósti. Qoı eti da artta qalǵan joq: súıekti et 3,3% qymbattady.
Statısıkaǵa qaraǵanda, jyldyq mánde sıyr eti shamamen 25% kóterilgen: súıekti et – 23,2%, súıeksiz – 24,8%. Qoı eti de osy deńgeıde – 23,3%.
Aýyl sharýashylyǵy mınıstrligi baǵanyń ósýin, eń aldymen, eksporttyń kúrt artýymen jáne tarıfterdiń kóterilýimen baılanystyryp otyr. Sala mamandary buǵan qosymsha júıeli problemalardy – kadr tapshylyǵy men óndiristegi qurylymdyq máselelerdi alǵa tartady.
Qoı etiniń qymbattaýyna qatysty resmı túsiniktemeler az bolǵanymen, eksport faktory munda da sheshýshi ról oınaǵan. Bıylǵy alǵashqy jartyjyldyqta qoı eti eksporty 2,6 ese ósken.
Buǵan deıin Qazaqstanda óndirilgen sıyr etiniń ózindik quny men dúkenderdegi baǵasy arasynda aıtarlyqtaı aıyrmashylyq baryn jazǵan edik. Al sıyr etine baǵanyń ósýi jyl basynan beri 20%-dan asty.
Jalpy, byltyr eldegi 400 myń tonna ettiń 22 myń tonnasy ǵana eksporttalǵan.