Halyqqa qyzmet kórsetý ortalyqtarynda eń kóp paıdalanylatyn 10 qyzmet onlaın formatqa aýystyrylady, dep habarlaıdy aqshamnews.kz
Osylaısha ortalyqtardaǵy uzyn sonar kezek azaıady. Búginde bul qyzmetter azamattardyń barlyq ótinishteriniń 80%-yn quraıdy. Ázirge test rejıminde birneshe qyzmet jumys istep tur.
Bul - jeke kýálikti jáne júrgizýshi kýáligin aýystyrý, sondaı-aq elektrondy sıfrlyq qoltańbany berý. Jaqyn arada kólikti tirkeý, baspanaǵa tirkeýge turý jáne jer ýchaskesine qujattardy rásimdeý onlaın formatqa aýysyrylady.
Al jyljymaıtyn múlikti tirkeý, sheteldikterge jeke sáıkestendirý nomerin berý jáne kadastrlyq pasporttar berý jyl sońyna deıin iske qosylady. Tolyq sıfrlandyrýdan keıin halyqqa qyzmet kórsetý ortalyqtarynyń júktemesi eki esege qysqarady.
Al olardyń ınfraqurylymy azamattardy sıfrlyq daǵdylarǵa úıretý úshin paıdalanylatyn bolady.