Bul - Ulybrıtanıa astanasynda 2019 jyldan beri qolǵa alynǵan shara.
Kún saıyn shamamen 13 sterlıń fýntynan, ıaǵnı 7 myń teńge tólegisi kelmegender qoǵamdyq kólikke minip, bolmasa ortalyqty syrt aınalyp ótýge májbúr, dep habarlaıdy Almaty-akshamy.kz.
Nátıjesinde qorshaǵan orta aıtarlyqtaı tazardy. Endi qala meri aýany lastaǵandar úshin salyqty shetki aımaqtarǵa da engizip otyr. 29 tamyzdan bastap, qorshaǵan ortaǵa zıan keltirgen kólikter qala shetinde júrse de aqsha tóleýge mindetti.
«Sheshim qabyldaý ońaıǵa soqpady. Biraq jyl saıyn 4 000 myńnan astam London turǵynynyń merziminen buryn qaıtys bolýy tikeleı aýanyń lastanýymen baılanysty. Balalar tynys alýdyń aıyqpas aýrýlarymen aýyrýda. Eresekter astma, qaterli isik sıaqty dertterge dýshar bolyp jatyr», - deıdi London qalasynyń meri Sadık Han.