Almatylyqtar aryq jelilerine qandaı qoqystar tastaıdy?
Almatyda 28-29 naýryz aralyǵynda jaýyn-shashyn kezinde aryq jelileri men kanaldardan 20 samosval qoqys shyǵaryldy (shamamen 100 m3).
Qalanyń komýnaldyq qyzmetteri habarlaǵandaı, basqa qoqystarmen qatar úlken kólemdi zattar – mýltıvarka, kástról, avtomobılderdiń tozǵan dóńgelekteri tabyldy, olar jańbyr sýynyń bitelýine jáne nátıjesinde úlken sý basý ýchaskeleriniń paıda bolýyna sebep boldy. Aryqtar men kanaldarda jaıalyqtar men turmystyq qaldyqtar únemi "ustalady".
Sonymen qatar, komýnaldyq qyzmetter qala aýdandarynyń birinde avtomobılmen júrýge arnalǵan gaz bloktarymen toltyrylǵan aryqty tapty. Nóser jańbyr bastalǵanǵa deıin barlyq aryq jelileriniń aldyn-ala tazartylǵandyǵy jaǵdaıdy qıyndatady.
Qala turǵyndarynan sý basýdy boldyrmaý úshin aryqtardy, nóser aǵyndary men kanaldardy qaldyqtarmen bitep tastamaýdy suraımyz. Sondaı-aq, turmystyq qaldyqtarmen birge tastalǵan basqa da zattar (synǵan termometrler men merzimi ótken dári-dármekter; dezodoranttar, aýa tazartqyshtar jáne basqa aerozolder; elektrondy qurylǵylar men turmystyq tehnıka, flýoresentti shamdar, dóńgelekter jáne basqa da rezeńkeli buıymdar; jıhaz, ydys-aıaq jáne t.b.) qorshaǵan ortaǵa qaýip tóndiretinin este ustaǵan jón. Mundaı jaǵdaılar anyqtalǵan kezde buzýshylar ÁQBtK-niń 505-baby "Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq ınfraqurylym obektilerin buzý, qala men eldi mekenderdiń jasyl jelekterin joıý jáne zaqymdaý" boıynsha ákimshilik jaýapkershilikke tartylatyn bolady.
Kez kelgen aýa-raıynda, táýliktiń kez kelgen ýaqytynda Almaty qalasynyń kóshelerinde tazalyqty ári jol qozǵalysynyń qatysýshylaryna jaıly júrip-turýdy qamtamasyz etetin, 1000-nan astam jol jumysshysy jáne 500 birlik arnaıy tehnıka jumys isteıdi. "Sary jılet" kıgen adamdar aleıalar men dańǵyldardyń tazalyǵyna jaýap beredi, qoǵamdyq oryndardy retke keltirip, aryqtardy tazartady. Kún saıyn komýnaldyq qyzmetterdiń kúshimen júzdegen tonna qoqys pen turmystyq qaldyqtar shyǵarylady. Osyǵan baılanysty Almaty qalasynyń turǵyndary men qonaqtarynan qorshaǵan ortaǵa uqypty qaraýdy, komýnaldyq qyzmetkerlerdiń jáne bir-biriniń eńbegin qurmetteýdi suraımyz.
Almaty qalasy Komýnaldyq ınfraqurylymdy damytý basqarmasy