Byltyr Qazaqstanda tólenbegen alıment kólemi 20,7 mlrd teńgege jetken
Endi alıment boıynsha qaryzy bar adamdardyń kiristeri jan-jaqtan tekseriledi. Bul týraly Ádilet mınıstrliginiń resmı ókili Talǵat Ýálı málim etti, dep habarlaıdy almaty-akshamy.kz.
«Alıment tólemeı júrgenderdiń jańa kiris kózderin anyqtaýda jańa tásilder qoldana bastadyq jáne olar tıimdi ekenin kórsetti. Endi alıment boıynsha qaryzy bar adamdardyń elektrondyq ámıandary, býkmekerlik kompanıalardaǵy shottary, bırjalyq saýdadaǵy baǵaly qaǵazdary, krıptovalútalyq operasıalary, dropshıpıng, jelilik marketıń, taksı qyzmetterinen túsetin paıdasy sıaqty kiristeri tekseriledi», - dedi Talǵat Ýálı.
Byltyr Qazaqstanda tólenbegen alıment kólemi 20,7 mlrd teńgege jetken.
Talǵat Ýálıdiń aıtýynsha, byltyr Astana qalasy boıynsha tólenbegen alıment somasy 1 mlrd. 877 mln. teńge, Almaty qalasynda – 528 mln. teńge, Túrkistan oblysynda –2 mlrd. 185 mln. teńge, Shymkent qalasynda –1 mlrd.290 mln teńge, Qaraǵandy oblysynda – 904 mln. teńge bolǵan.
«Sonymen qatar, eń az kúrdeli alıment óndiristeri Ulytaý (126), Aqmola (197), Atyraý (266) oblystaryna tıesili», - dedi Ýálı.