Bul týraly Memleket basshysy Qasym-Jomart Toqaev Ulttyq quryltaıdyń úshinshi otyrysyndaǵy sózinde aıtty, dep habarlaıdy Aqordanyń baspasóz qyzmeti.
Biz jaqsylyqqa jetemiz desek, jaǵymsyz ádetterden arylýymyz kerek. Jaqsydan úırenip, jamannan jırene bilýimiz qajet. Iaǵnı, shyn máninde ozyq ult bolý úshin jaqsylyqqa umtylýmen qatar, elimizdiń ósip-órkendeýine kedergi bolatyn jaman ádet, jaǵymsyz qylyq jáne qaýipti keselden qutylýymyz kerek. Bul – ulttyń jańa sapasyn qalyptastyrý jolyndaǵy óte mańyzdy qadam – dedi Qasym-Jomart Toqaev.
Uly Abaı «Bes nárseden qashyq bol, bes nársege asyq bol» degen. Bul – árıne, eshqashan eskirmeıtin, mán-mańyzyn joǵaltpaıtyn ósıet. Biraq ár zamannyń ózine tán syn-qaterleri bar. Jahandaný úrdisine, jańa tehnologıanyń damýyna jáne basqa da sebepterge baılanysty qoǵamǵa qaýipti jańa keselder paıda boldy. Ásirese, biz mynadaı bes keselmen búkil el bolyp kúresip, birjola tosqaýyl qoıýymyz kerek. Aldymen, esirtki saýdasy, sonyń ishinde sıntetıkalyq esirtki aınalymy. Ókinishke qaraı, bul indet jappaı beleń alyp barady. Tek byltyrdyń ózinde esirtkige qatysty 7,5 myńnan astam qylmys anyqtaldy. Zańsyz aınalymnan 41 tonna esirtki alyndy. Nashaqorlyq, ásirese, balalar arasynda tez taralyp, jastarymyz ýlanyp jatyr. Esirtkimen kúres belsendi júrgizilmese, erteń bári kesh bolýy múmkin – dedi Memleket basshysy.