Memleket basshysy esirtki tutynýshylardyń kóbeıýi ult saýlyǵyna zor qaýip tóndirip otyrǵanyn, osyǵan baılanysty esirtki zattaryn taratýǵa qarsy kúres jumystary jalpyulttyq deńgeıde júrgizilýi tıis ekendigin atap aıtty.
Sáıkesinshe, nashaqorlyqpen jáne esirtki saýdasymen kúresý jumystaryn jandandyrýdy myqtap tapsyrdy. Osy oraıda, Shymkent qalasy polısıa departamenti Memleket basshysy pen İshki ister mınıstrliginiń tapsyrmasyna sáıkes, qala aýmaǵynda esirtkimen baılanysty quqyq buzýshylyqtardy anyqtaý jáne olardyń jolyn kesý baǵytyndaǵy jumystardy kúsheıtti, dep habarlaıdy Almaty-akshamy.kz.
Polisia.kz-tiń aqparaty boıynsha, qabyldanǵan sharalar nátıjesinde, esirtki qylmysyna qarsy is-qımyl basqarmasynyń qyzmetkerleri jyl basynan basqalalardyń ómiri men densaýlyǵyna qaýip tóndirip otyrǵan zulym zattardy qalamyzda taratyp júrgen birqatar qylmyskerlerdi quryqtady.
Kezekti is-shara barysynda polısıa qyzmetkerleriniń nazaryna Almaty qalasynan kelgen jas jigit ilinip, qysqa merzim ishinde onyń qylmystyq maqsaty men áreketi áshkerelendi. Jeke tintý barysynda Almatylyq turǵynnan 1 polıetılendi paketke salynǵan esirtkige uqsas zat tárkilenip alyndy. Saraptama qorytyndysyna sáıkes, atalǵan zat sıntetıkalyq esirtki ekendigi rastalyp, jalpy salmaǵy 101 gramdy qurady. Ol asa iri mólsherdegi esirtki dep eseptelinedi.
Atalǵan derek QR QK-niń 297-baby 3-bóligimen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) tirkelip, sotqa deıingi tergep-tekserý bastaldy. Kúdikti ýaqytsha ustaý ızolátoryna qamaýǵa alyndy. Polısıa qyzmetkerleri esirtki zattarymen baılanysty kez-kelgen zańsyz áreket qylmystyq jaýapkershilikke alyp keletinin jáne ol úshin bas bostandyǵynan aıyrý túrindegi jaza qarastyrylǵanyn eskertedi.