Almatyda esirtki satýshy 10 jylǵa bas bostandyǵynan aıyryldy, – dep habarlaıdy almaty-akshamy.kz.
Eske salaıyq, ótken jyldyń qyrkúıek aıynda Almaty polısıasy oıyn-saýyq mekemesiniń aýmaǵynda sıntetıkalyq esirtki satyp júrgen 27 jastaǵy jigitti ustaǵan bolatyn.
– Bizdiń bólimsheniń jedel ýákilderi men polısıanyń arnaıy jasaqtary is-sharany túngi saǵat 03:00-de júrgizdi. Kúdikti ustaldy. Bizge belgili bolǵandaı, 1996 jyly týǵan R.esimdi azamat túngi klýbqa kelýshiniń atyn jamylyp, esirtki taratýmen aınalysqan. Ustalǵan kezde, ony tintý barysynda quramynda sıntetıkalyq zaty bar, ashyq tústi, untaq túrindegi baılam tabyldy. Shóp tárkilenip, sot-hımıalyq saraptamaǵa jiberildi. Sotqa deıingi tergeý QR QK-niń 297-baby boıynsha tirkeldi. Ustalǵan azamat ýaqytsha ustaý ızolátoryna qamaldy, – dedi sol kezde Almaty qalalyq PD esirtki qylmysyna qarsy kúres basqarmasy.
Sot úkimimen 28 jastaǵy R.esimdi azamat QR QK-niń 297-baby 3-bóliginiń 6-tarmaǵynda kózdelgen qylmysty jasaǵany úshin kináli dep tanylyp, 10 jylǵa bas bostandyǵynan aıyryldy.