Almaty polısıasy esirtki kýrerleri betbelgi qoıý úshin kofe staqandaryn paıdalanatynyn aıtty, – dep habarlaıdy Polisia.kz.
Almaty polısıasy arnaıy is-shara barysynda sıntetıkalyq esirtkini kóterme satýshylar men bólshek saýdada taratýshylardy ustady. Belgili bolǵandaı, olar juppen jumys istegen.
– Birneshe kún buryn 27 jáne 29 jastaǵy almaty azamattary ustaldy, olardan mefedron sıntetıkalyq psıhotroptyq zaty bar 36 býma tárkilendi. Arnaıy is-sharalar barysynda jastar esirtkini turaqty jetkizýshilerden satyp alǵany anyqtaldy. Bul adamdar, belgili bolǵandaı, tek senimdi satýshylarmen “jumys isteýdi” jón kórdi. Qaskóılerdiń jalǵa alǵan úıinen, atap aıtqanda, tońazytqyshtan jalpy salmaǵy 2 kelige jýyq untaqty zat salynǵan 745 býma tabyldy jáne tárkilendi. Ustalǵandar qylmystaryn moıyndap, esirtkini kóp mólsherde Almaty oblysynyń eldi mekenderinen alǵandaryn aıtty. Kúdiktiler iri kólemdegi esirtkini kofe staqandaryna jasyrǵan, – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.