Qazaqstanǵa avtokólik ımporty rekordty jańartyp otyr
QR Qarjy mınıstrligi Memlekettik kirister komıtetiniń málimetinshe, shilde aıynda shetelden 16,7 myń jeńil avtokólik ákelingen, dep habarlaıdy Almaty-akshamy.kz.
DANA HUB telegramm kanalynyń málimetine súıensek, bul ótken jylmen salystyrǵanda 4 esege jýyq nemese 12,2 myń birlikke kóp. Bul kórsetkish 6 aı qatarynan ósýde, onyń sońǵy bes aıyndaǵy kórsetkishteri qarqyndy ósimdi kórsetedi.
Jalpy, ótken jylmen salystyrǵanda osy jyldyń sońǵy 7 aıynda Qazaqstanǵa tórtten bir ese kóp – 82,7 myń dana avtokólik ákelingen. Iaǵnı, 67,4 myń birlikke artyq.
Avtokólik qaı elden kóbirek alyp kelinedi?
Qańtar-shilde aılarynda kólik shyǵarýshy elderden Qazaqstan tasymaldaý kólemin arttyryp, jyl saıynǵy mánde ımporttaý qarqyny óskendigin kórsetip otyr. Ósim myna elderden baıqalady:
Qytaı – 26,5 myń birlik. (+22,1 myń birlik). Aıtpaqshy, ol jergilikti naryqty belsendi túrde jaýlap alýǵa kúsh salýda;
AQSH – 17 myń birlik. (+12,8 myń birlik);
Japonıa – 16,5 myń birlik. (+8 myń birlik);
Koreıa Respýblıkasy – 10,5 myń birlik. (+3,4 myń birlik);
Germanıa – 2,9 myń birlik. (+2,5 myń birlik).
Bir qyzyǵy el naryǵyn kóligimen jaýlaǵan Reseıden avtokólikteri asa kóp emes. Qańtar-shilde aılarynda nebary 0,3 myń kólik ákelingen. Al bir jyl buryn – 7,4 myń kólik tirkelgen eken. Kerisinshe, elimizden Reseıge avtokólik eksporty artqan. Sıfrmen sóıletsek, 0,9 myńnan 8,6 myńǵa deıin artqanyn baıqadyq.
Aqsha jaǵy qalaı bolar eken?
Shilde aıynda sheteldik avtokólikterdi satyp alýǵa jumsalǵan shyǵyndar 357,1 mıllıon dollarǵa jetken. Bul bir jyl ishinde 3 esege nemese 243,6 mıllıon dollarǵa artqanyn kórsetedi. Osylaısha, tarıhı rekord ornatty desek jańylmaımyz. Sońǵy 7 aıdyń qorytyndysy boıynsha bul kórsetkish $1,79 mlrd deńgeıine turaqtaǵan. Bir qyzyǵy, 2022 jyldyń aıaǵynda – $1,82 mlrd dollar jumsalǵan.
Tizgindi kólik shyǵarýshy alpaýyt memleketter berer emes. Tek «kúshtilerdiń» ǵana orny aýysty. Alty aı kórsetkishi boıynsha Japonıa Qazaqstanǵa avtokólik jetkizýden eń kóp tabys tapty – $538,3 mln (+ $187,7 mln jyl saıyn). Kólik qurastyrý qarqynyn údetkenine qaramastan, Qytaı - 441,8 mıllıon dollar (+ 389,1 mıllıon dollar) tabys taýyp, ekinshi oryndy mise tutýda. Basqa iri ımporttaýshylar elderdiń de dınamıkasy ósken. Biraq atalǵan elderge qaraǵanda óte nátıjeli emes. Degenmen, usynyp kóreıik:
AQSH – 281 mıllıon dollar (+ 210,9 mıllıon dollar);
Germanıa – $155,4 mln (+ $126 mln);
Koreıa Respýblıkasy – $153,2 mln (+ $115,1).
Demek, kólik tasymalynyń artýy eski kólikterdiń satylýyna ózindik áserin tıgizbeı qoımaıdy. Sondyqtan esiń barda eski kólikten qutyl!