Qurylysshylar úıge balkondy ornatqanymen oǵan shyǵatyn esikti umytyp ketken
Balkony bar, esigi joq. Mundaıdy tek bizde elde ǵana kóretin shyǵarsyz. Elimizdiń soltústiginde kóp qabatty turǵyn úı salǵan qurylysshylar úıge balkondy ornatqanymen oǵan shyǵatyn esikti umytyp ketken, – dep habarlaıdy Almaty-akshamy.kz 31-arnanyń «Informbúro» baǵdarlamasyna silteme jasap.
Endi úıdegi adam balkonǵa barýy úshin kishkene terezeden yrshyp shyǵýy kerek. Tańqalarlyǵy jobalyq-smetalyq qujatta balkon múldem kórsetilmegen. Al baspana kezeginde turǵan muqtaj otbasylarǵa ıpotekaǵa berilýi tıis turǵyn úıdi óz qarajatyna jóndep jatqan qurylys kompanıasy balkondy salýyn salǵanymen, esigin qoıǵanǵa eringen sıaqty.
Balkonǵa shyǵatyn esigi joq bul tórt qabatty turǵyn úı Petropavldan 200 shaqyrym jerdegi Sergeevka qalasynda tur. Aýdan ákimi Rahat Smaǵulovtyń aıtýynsha, 90 jyldardan qırap jatqan turǵyn úıdi jeke kompanıa óz qarajatyna jóndep jatyr. Al qurylys kompanıasy balkondy tek úıdiń dekoratıvi retinde qaldyratyn bolǵan.