Tótenshe jaǵdaılar mınıstri men oblys ákimi aýmaqty áýeden barlady.
Tótenshe jaǵdaılar mınıstri Syrym Sháriphanov Pavlodar oblysy «Ertis ormany» rezervatyndaǵy órtke qatysty sońǵy málimetterdi jarıalady, dep habarlaıdy Almaty-akshamy.kz QazAqparatqa silteme jasap.
«Qazir jańa kúsh keldi, jaǵdaıdy tolyq baqylaýǵa alamyz. Órttiń oshaqtary kontýr boıynsha sóndiriledi. Avıasıa tańerteńnen daıyn tur. Tikushaq iri órt oshaqtaryn sóndirýge jumyldyrylady. Tikushaq irkilissiz jumys isteýi úshin oblys ákiminiń sheshimimen janar-jaǵarmaı beketi uıymdastyryldy. Sol arqyly ýaqyt únemdeledi, tıisinshe tikushaq sýdy molyraq shashady. Jalpy jaǵdaı baqylaýda» - dedi Syrym Sháriphanov.
Buǵan deıin «Ertis ormany» rezervaty órtenip jatqanyn habarlaǵan bolatynbyz.
QR Tótenshe jaǵdaılar mınıstrligi baspasóz qyzmetiniń habarlaýynsha, 15 shilde kúni Sharbaqty aýdanynyń Stepnoe jáne Baýyrtal ormanshylyqtarynda ormannan órt shyqty.
98 oramdaǵy órt erekshe baqylaýda, onda órt kúsheıip bara jatqany habarlandy.