Almatyda kúndiz +20...+22°S jyly bolady.
Sınoptıkter Qazaqstandaǵy 14 qazanǵa arnalǵan aýa raıy boljamyn usyndy, dep habarlaıdy Almaty-akshamy.kz.
«Eldiń basym bóliginde aýa raıy jaýyn-shashynsyz bolady. Tek respýblıkanyń batysynda, soltústik-batysynda, soltústiginde Qara teńiz aımaqtarynan keletin sıklonnyń áserinen jańbyr jaýady. Respýblıkanyń soltústik-batysynda, soltústiginde, ońtústik-shyǵysynda jel kúsheıedi. Batysty tuman basady», dep málimdedi «Qazgıdromet» RMK.
Astanada kóshpeli bult shyǵady, jaýyn-shashynsyz. Jel ońtústik-shyǵystan ońtústik-batysqa aýysady, ekpini túnde 2-7, kúndiz 5-10 m/s. Aýa temperatýrasy túnde +4...+6°S, kúndiz +17...+19°S.
Almatyda kóshpeli bult shyǵady, jaýyn-shashynsyz. Jel ekpini 2-7 m/s bolady. Aýa temperatýrasy túnde +7...+9°S, kúndiz +20...+22°S.
Shymkentte kóshpeli bult shyǵady, jaýyn-shashynsyz. Batystan soǵatyn jel ekpini 8-13 m/s bolady. Aýa temperatýrasy túnde +7...+9°S, kúndiz +25...+27°S.