Jarystyń jalpy júlde qory – 19 mln teńge.
Qostanaı oblysynyń Zarechnoe aýylyndaǵy «Arǵymaq» ıpodromynda Qostanaı jylqylary arasynda osy jyldaǵy alǵashqy aýqymdy respýblıkalyq báıge ótedi, dep habarlady Almaty-akshamy.kz
Qostanaı jylqylarynyń báıgesi 2022 jyldan bastap úshinshi jyl qatarynan ótkizilip keledi. 2022 jyly Qostanaı jylqylarynyń báıgesine 40-qa jýyq sáıgúlik qatysqan bolsa, bıyl 50-ge jýyq jylqy shabady dep josparlanyp otyr. Jyl sońyna deıin Qostanaı jylqylary arasynda taǵy 4 at jarysy ótedi.
Byltyr Ulttyq sport qaýymdastyǵynyń qoldaýymen Senat depýtattary Qostanaı jylqy tuqymyn saqtaý jáne ósimin kóbeıtý týraly zań qabyldaý bastamasyn kóterip, ony Parlament Májilisi maquldady.
Jarys 5 qashyqtyq boıynsha ótedi: Ushqyr báıge 1 myń metrge (júlde qory – 3 mln teńge), Ushqyr báıge 1 800 metrge (júlde qory – 3 mln teńge), Ushqyr báıge 2 myń metrge (júlde qory – 3 mln teńge), Qunan báıge 5 myń metrge (júlde qory – 4 mln teńge), Alaman báıge – basty qashyqtyq 18 myń metrge (júlde qory – 6 mln teńge).
Jarystyń jalpy júlde qory – 19 mln teńge jeńimpazdar arasynda bólinedi (I, II, III oryndar).
Aıta ketsek, Qostanaı jylqysy – ulttyq at sporty túrlerin damytý úshin keńinen qoldanylatyn jalǵyz sporttyq baǵyttaǵy qazaqtyń asyl tuqymdy jylqysy.
At jarysy Ulttyq sport qaýymdastyǵynyń, Týrızm jáne sport mınıstrliginiń, Qostanaı oblysy ákimdiginiń, Báıge respýblıkalyq federasıasynyń jáne Qazaq Jockey Club qoldaýymen ótedi. İs-sharanyń bas seriktesi – «Samuryq-Qazyna» AQ, seriktesi – Sport Qory sportty qoldaý qory.
Meken-jaıy: Qostanaı oblysy, Zarechnoe selosy, «Arǵymaq» ıpodromy.
Ótetin kúni: 25 mamyr 2024 jyl
Bastalýy: saǵat 11:00-de.