Qazaqstanda "Jer-2025" atty respýblıkalyq komandalyq-shtabtyq oqý-jattyǵý ótedi, - dep habarlaıdy Aqshamnews.kz tilshisi Tótenshe jaǵdaılar mınıstrligine silteme jasap.
TJM málimetinshe, is-shara 2025 jylǵy 23-24 shilde aralyǵynda eldiń seısmıkalyq qaýipti óńirlerinde ótedi. Olar – Almaty, Shymkent qalalary, Abaı jáne Jetisý, sondaı-aq Almaty, Shyǵys Qazaqstan, Jambyl, Qyzylorda jáne Túrkistan oblystary.
Respýblıkalyq oqý-jattyǵý shtaby Shymkentte ornalasqan.
Bul óńirlerde turǵyndar dabyl sırenasyn estıdi, sonymen qatar adamdar kóp jınalatyn nysandarda seısmıkalyq jattyǵýlar ótkiziledi.
Oqý-jattyǵý joıqyn jer silkinisinen keıin týyndaıtyn tótenshe jaǵdaıdy joıýǵa azamattyq qorǵaý memlekettik júıesiniń daıyndyq deńgeıin arttyrý maqsatynda ótkiziledi. İs-sharaǵa respýblıkalyq, óńirlik azamattyq qorǵaý qyzmetteri men jergilikti atqarýshy organdar qatysady, olar joıqyn jer silkinisi jaǵdaıynda áreket etý algorıtmin pysyqtaıdy.