Tamaqtaný jáne uzaq ómir súrý salasynyń mamany Melanı Merfı Rıhterdiń aıtýynsha, uıqy - qartaıý úderisin baıaýlatyp, densaýlyqty saqtaýdyń negizgi tetigi, dep habarlaıdy Aqshamnews.kz.
Mamannyń pikirinshe, mańyzdysy tek uıqynyń uzaqtyǵy ǵana emes, sonymen qatar uıyqtaıtyn naqty ýaqyt ta úlken ról atqarady.
"Uıyqtaýǵa eń qolaıly ýaqyt - saǵat 22:00 men túngi 00:00 aralyǵy. Al oıaný - kúnniń alǵashqy sáýlelerimen birge bolǵany durys", - deıdi Rıhter.
Bul rejımdi saqtaý gormondyq tepe-teńdikti rettep, sırkadtyq yrǵaqty qoldaıdy, sondaı-aq jasýshalardyń qalpyna kelýin jedeldetedi. Al bul - qartaıýdy baıaýlatýǵa tikeleı áser etetin úderister.
Árkimniń bıologıalyq yrǵaǵy ártúrli
Degenmen maman barlyq adamǵa birdeı ortaq uıqy ýaqyty bolmaıtynyn atap ótti. Eń bastysy - aǵzanyń tabıǵı bıologıalyq yrǵaǵyna sáıkes jeke uıqy tártibin qalyptastyryp, ony kún saıyn qatań saqtaý.
Sonymen qatar, uıqy rejıminiń kúrt buzylýynan saqtaný qajet. Mysaly, demalys kúnderi "uıqyny toltyrý" ádeti aǵzanyń tabıǵı yrǵaǵyn buzýy múmkin.