Eýropalyq fýtbol qaýymdastyqtary odaǵy (ÝEFA) Sherhan Qalmurzanyń esimin Chempıondar lıgasynyń úzdikteri qataryna engizdi, - dep habarlaıdy Aqshamnews.kz tilshisi.
ÝEFA-nyń baspasóz qyzmeti eń úzdik seıvterdiń toptamasyn jarıalady. Jazbada olar jankúıerlerden usynylǵan seıvterdiń ishinen eń úzdigin tańdaýdy surady. Top-5 qataryna almatylyq komandanyń 18 jastaǵy qaqpashysynyń seıvi de kirdi. Sherhan Qalmurza "Sportıngke" qarsy machtyń besinshi mınýtynda-aq komandany goldan qutqaryp qalǵan bolatyn.
Sherhan Qalmurzadan bólek úzdikter qataryna "Galatasaraı" qaqpashysy Ýgýrdjan Chakyr, "Napolı" múshesi Vaná Mılınkovıch-Savıch, "Núkasl" golkıperi Nık Poýp jáne "Sportıng" qaqpashysy Jýan Vırjınıa kirdi.
Aıta keteıik, Sherhan Qalmurza - "Qaırattyń" úshinshi qaqpashysy. Ol negizgi quramǵa Aleksandr Zarýskıı men Temirlan Anarbekov jaraqat alǵan soń shyqty. Keshegi Lıssabondyq "Sportıngke" qarsy machta Qalmurza CHL-degi debúttik machyna shyqty.