Májilis depýtaty Ermurat Bapı Germanıadaǵy «Sharıte» klınıkasynda em alý úshin shaqyrtý alǵanyn rastady. Shilde-tamyz aılarynda ol densaýlyǵyna baılanysty jáne ýlaný boljamyna qatysty Germanıada dıagnostıkadan ótken, dep habarlaıdy aqshamnews.kz
Bapı óziniń dıagnozyn alǵanyn saıasatker jáne kásipker Bolat Ábilovpen ótkizgen tikeleı efırde aıtyp berdi. Depýtat «Sharıte» klınıkasynda em alý úshin shaqyrtý alǵanyn, biraq qandaı aýrýdyń dıagnozy qoıylǵanyn naqtylamaǵanyn aıtty. Sonymen qatar, onyń densaýlyǵynyń jaqsarǵanyn atap ótti.
«Densaýlyǵym ázirge jaqsy. Germanıada dıagnoz qoıyldy, endi emdelý kerek bolady. Josparym — aldymen emdelý. Ekinshiden, saıası maýsym bastalady», — dep qysqasha túsindirdi Ermurat Bapı.
Depýtat onyń aǵzasynda qandaı da bir ýlandyrýshy zattardyń izderi tabyldy ma degen suraqqa teris jaýap berdi.
«Áıtpese, men qazir sizderdiń aldaryńyzda otyrmas edim», — dep ázildedi depýtat.