Búgin «Semeı ormany» rezervatynda qyzmettik boryshyn óteý kezinde qaza tapqan orman sharýashylyǵy qyzmetkerlerine arnalǵan memorıaldyq taqtanyń saltanatty ashylýy ótti, dep habarlaıdy Almaty-akshamy.kz.
Memorıaldyq taqtany ashý qurmetin orman sharýashylyǵynyń ardageri, Novaıa-SHýlba fılıaly Sentralnoe ormanshylyqtyń sheberi Aleksandr Sergeevıch Reshetın qabyldady.
Orman órtimen kúresken batyrlardyń qurmetine mekeme ujymy men jaqyn týystary bastaryn ıip, bir mınýt únsizdik jarıalap, gúl shoqtaryn qoıdy.
«Alapat órtterden ormandy jáne adamdardy qorǵaýda qaza tapqan batyrlardyń erligi umytylmaýy úshin, ormandardy saqtaý men qorǵaýdaǵy aýyr da, qaýipti eńbekti keleshek urpaqtyń jadynda saqtaý úshin, erlik kórsetken áriptesterimizdiń esimderi jazylǵan memorıaldyq taqta ornattyq. Ómir – eń qymbat qazyna. Eshkim de, eshteńe de umytylmaıdy. Olar bizdiń jadymyzda máńgi saqtalady», - dedi «Semeı ormany» memlekettik orman tabıǵı rezervaty» bas dırektorynyń m.a. Ásemgúl Nysambekova.