Keshe 2023 jylǵy 3 tamyzda saǵat 19:35-te İle Alataýy taýlarynda sheteldik erli-zaıyptylar Bashýt shyńynan ózdiginen túse almaıtyny týraly aqparat kelip tústi. Erli-zaıyptylar 112 nómirine qońyraý shalyp, qutqarýshylardyń kómegine júgindi, dep habarlaıdy Almaty-akshamy.kz.
Zardap shekkenderdi izdeýge TJM Respýblıkalyq jedel-qutqarý jasaǵynyń toby men qaladaǵy qutqarý qyzmetiniń qutqarýshylary shyqty.
Saǵat 20:45-te týrıs taýda júrgen jastardyń kómegimen baılanysqa shyqty. Olar telefon arqyly qutqarýshylarǵa naqty turǵan oryndaryn aıtty. Saǵat 23:36-da qutqarýshylar zardap shekkenderge jetti. Eshkim medısınalyq kómekke muqtaj emes. Týrıserdi Medeýge deıin jetkizdi.
Polshanyń eki azamaty, 1987 jyly týǵan áıel adam men 1983 jyly týǵan er adam qutqaryldy. Sheteldik azamattar qutqarýshylarǵa alǵys bildirdi.
TJM qutqarýshylary eske salady: taýǵa shyqpas buryn týrısik marshrýtty zerttep, fızıkalyq múmkindikterińizdi baǵalańyzdar. Eger sizge kómek qajet bolsa, 112, 109 nemese 8(727) 372-15-60 (QR TJM Respýblıkalyq jedel-qutqarý jasaǵy MM kezekshi-dıspecherlik bólimshesi) qońyraý shalý qajet.