Almatyda jol apaty jıi bolatyn kóshelerdi bilesiz be? Kóp jaǵdaıda kimder kináli? Erler me, áıelder me? Qandaı kólik ıeleri jıi apatqa sebepker bolady? Aqshamnews.kz tilshisi QR Bas prokýratýrasynyń Quqyqtyq statısıka jáne arnaıy esepke alý jónindegi komıtetinen resmı derekterdi surap bildi. Tolyǵyraq materıaldan bilińiz.
Jol apatyna kimder jıi kináli bolady?
Bas prokýratýra usynǵan derekke sensek, Almatydaǵy jol-kólik oqıǵalarynyń orta eseppen 80 paıyzyna er adamdar kináli. Áıel júrgizýshilerdiń úlesi bar bolǵany - 12 paıyz, al 8 paıyzy - oqıǵa ornynan boı tasalaǵandar.
Komıtet keltirgen statısıkaǵa súıensek, apatqa jıi sebep bolatyndar - 30-39 jas aralyǵyndaǵy júrgizýshiler (30%) jáne 20-29 jas aralyǵyndaǵylar (25%).
Resmı derekter boıynsha, Almatydaǵy JKO(jol kólik oqıǵasy)-lardyń 87 paıyzy jeńil kólikterdiń qatysýymen tirkeledi.
Qalǵandary:
-
4% — avtobýstar
-
5% — motosıklder men mopedter
-
3% — júk kólikteri
-
1% — ózge kólikter
Jıi soǵylatyn kólikter: kósh basynda Camry
Zardap shekkender men JKO jıi jasalǵan jeńil avtokólikterdiń tizimin Toyota Camry bastap tur.
-
1-orynda - Toyota Camry:
2024 jyly — 2241 apat,
2025 jyldyń 7 aıynda — 1427 apat. -
2-orynda - Chevrolet Cobalt:
2024 jyly — 1460 apat,
2025 jyldyń 7 aıynda — 875 apat. -
3-orynda - Daewoo Nexia:
2024 jyly — 877 apat,
2025 jyldyń 7 aıynda — 484 apat.
Komıtet túsindirgendeı, bul kólikterdiń jıiligi eldegi avtoparktiń qurylymymen de tikeleı baılanysty. Demek qala kóshelerinde dál osy markaly kólikter kóp.
"Jyl basynan beri 1200-den astam adam jol apatynan qaza bolǵan"
Keıingi jyldardaǵy JKO, jaraqat jáne adam ólimi statısıkasyn qarar bolsaq:
-
2023 jyly:
• Barlyǵy - 15 886 JKO
• Jaraqat alǵandar - 19 554 adam
• Qaza bolǵandar - 2 543 adam -
2024 jyly:
• Barlyǵy - 31 597 JKO
• Jaraqat alǵandar - 40 873 adam
• Qaza bolǵandar - 2 579 adam -
2025 jyldyń 7 aıynda:
• Barlyǵy - 19 142 JKO
• Jaraqat alǵandar - 26 132 adam
• Qaza bolǵandar - 1 214 adam
2024 jyly JKO sany 2023 jylmen salystyrǵanda eki esege jýyq artqan.
Qaı kósheler eń qaýipti?
Komıtet dereginshe, Almatyda jıi apat bolatyn kóshelerdiń qatarynda: Rysqulov dańǵyly, Abaı dańǵyly, Saıyn kóshesi, Ál-Farabı dańǵyly, Dostyq dańǵyly, Áshimov kóshesi, Seıfýllın kóshesi bar.
Al eń apatty qıylystardyń ishinde: Rysqulov–Saıyn, Abaı–Seıfýllın, Saıyn–Abaı, Ál-Farabı–Mustafın, Dostyq–Abaı, Seıfýllın–Sholohov jáne basqa da qozǵalysy tyǵyz núkteler bar.
Almatylyqtardyń aıyppul somasy 99 mıllıard teńgeden asty
Resmı derekke sensek, 2025 jyldyń alǵashqy 7 aıynda Almatyda jol erejesin buzǵany úshin júrgizýshilerge 99,6 mlrd teńge aıyppul salynǵan. Onyń 82 paıyzy tólenip qoıǵan, tólengen somanyń 85 paıyzy qysqartylǵan tártippen (7 kún ishinde) ótelgen.
Jalpy alar bolsaq, 2014 jyldan beri Almatyda 215 myńnan astam JKO tirkelip, 27 myńnan astam adam qaza taýyp, 279 myńnan astam adam jaraqat alǵan.