Qazaqstan Respýblıkasy ishki ister organdarynyń jeke quramy jáne óz atymnan Jambyl oblysy Baızaq aýdanynda oryn alǵan áskerı qoımadaǵy órt kezinde qaza tapqan áskerı qyzmetshiler men qutqarýshylardyń otbasy, týǵan-týystary men jaqyndaryna qaıǵyryp kóńil aıtamyn.
Qatardaǵy sarbazdar men tótenshe jaǵdaı qyzmetkerleri bizge jat emes. Olar basyn báıgege tigip, adamdardy qutqarady. Táýekelge bel baılap, tilsiz jaýmen kúresedi.
Kúni keshe oryn alǵan qaıǵyly oqıǵa barsha qazaqstandyqtardyń qabyrǵasyn qaıystyrdy. Qaısar qyzmetkerler qarapaıym azamattarǵa qorǵan bolam dep qapyda qyrshyn ketti.
Turǵyndardyń qaýipsizdigi úshin ójettik tanytyp, ómirin qıǵan esil erlerdiń esimi máńgi júregimizde. Batyrlardyń beınesi keler urpaqqa úlgi bolyp, esimderi eshqashan umytylmaıdy.